Maraykanka iyo Iiraan oo Maxaabiis is-dhaafsanaya
-
GAROWE ONLINE XAFIISKA MUQDISHO
- Posted On 17-09-2023, 06:03PM
WASHINGTON, Mareykanka - Wasiirkii Arimaha Dibada ee Maraykanka, Antonie Blinken ayaa jimcihii oo ku beegnayd 15 Sept saxiixay Amar uu Iiraan ugu fasaxayo dhaqaale gaaraya 6 Bilyan oo dollar kaasi oo uga xanibnaa dalka Kuuriyada Koonfureed.
Fasixida dhaqaalahan ayaa qeyb ka ah Heshiis Iiraan iyo Maraykanku ay isku dhaafsanayaan Maxaabiis shan ah Iyada oo dhinac kasta uu siidaynayo shan Maxbuus oo muwaadiniinta kan kale ah.
Dalka Qadar oo isagu Akoono dalkiisa ah lagu shubay 6 Bilyan ee Iiraan loo sii daayay ayaa dhex-dhexaadiye ka ah heshiiska.
Safiirka Iiraan ee Qadar, Xaamid Dahqaani ayaa sheegay in Heshiiska is-dhaafsiga maxaabiista ee dalkiisa iyo Mareykanka uu meel gebo-gebo ah Marayo.
GAROWE ONLINE
