Maraykanka oo heshiis hordhac ah isugu keenay Sacuudiga iyo Israa’iil
-
GAROWE ONLINE XAFIISKA MUQDISHO
- Posted On 30-09-2023, 05:59PM
WASHINGTON - Aqalka Cad ayaa sheegay in wadahadallada lagu doonayo in lagu wanaajiyo xiriirka u dhexeeya Israa’iil iyo Sacuudiga ay si wanaagsan u socdaan iyadoo la'isla gaatay “qaab-dhismeedka aasaasiga ah” ee heshiiska.
Wareysi uu siiyay suxufiyiinta ayuu afhayeenka Golaha Amniga Qaranka Mareykanka ee Aqalka Cad John Kirby ku sheegay: "Sida heshiis kasta oo adag, dhinac walba waa inuu tanaasul sameeyaa”.
Geesta kale, Wargeyska Al-Riyadh ee ka soo baxa Sacuudiga ayaa Sabtidii qoray in Sacuudiga uusan ku degdegi doonin xiriir uu la sameynayo Israa’iil.
Wargeysku waxa uu xaqiijiyey in qadiyadda Falastiin ay tahay udub dhexaadka siyaasadda Sucuudiga, maadaama ay safka hore kaga jiraan dalalka heer kasta ka taageera sida ay sheegeen.
Sidoo kale, waxay sheegtay in wada xaajoodka uu qaadan doono waqti dheer inta heshiis laga gaarayo qodobbada la isku heysto, waxaana laga yaabaa in ay qaadato waqti ka badan intii la filayay.
GAROWE ONLINE
