Mareykanka: In ka badan 10 qof oo ku dhintay fatahaadyo

WASHINGTON, USA - Ugu yaraan 14 qof ayaa geeriyootay kadib daadad iyo duufaano ku dhuftay waqooyi-bari Mareykanka. Dadka qaar ayaa ku xayirmay dhulka hoostiisa oo biyuhu ku fatahen; hal meyd ayaa laga soo saaray gaari.

Muuqaallo la duubay ayaa muujina biyo ku qulqulaya boosteejooyinka dhulka hoostiisa mara iyo guryaha dadka. Guddoomiyeyaasha New York iyo New Jersey ayaa ku dhawaaqay xaalad degdeg ah.

Ku dhowaad dhammaan khadadka tareenada dhulka hoostiisa ee New York ayaa xiran. Baabuurta aan degdegga ahaynna waa laga mamnuucay waddooyinka magaalada. Duulimaadyo iyo tareenno badan oo ka baxayay New York iyo New Jersey ayaa la hakiyay

Duqa Magaalada New York, Bill de Blasio, ayaa sheegay inuu uga digayo dadka reer New York in masiibooyinka cimiladu ay “aad uga sii darayaan” mustaqbalka.

"Isku day kasta oo saadaalin ah, si aan qarsoodi lahayn, ayaa noo fashilmaya," ayuu yiri. "Waxaan mashaariic ka helaynaa khubaro aad u wanaagsan… kuwaas oo lagu jeesjeesay daqiiqado gudahood."

De Blasio wuxuu yiri "waxaan u baahannahay inaan bilowno inaan dadka la xiriirno inay wax walba ka sii xumaan doonaan macno ahaan xaalad kasta".

Duqa magaalada ayaa intaas ku daray in la saadaalinayo in Arbacada ay roob saddex ilaa lix inji ah uu da'i doono, kaas oo isku rogi kara "saacadaha dambe roobabkii ugu waynaa ee taariikhda New York, isaga oo dadka ku booriyey feejignaan".

GAROWE ONLINE