Masar oo balaayiin Doolar kusoo iibsatay diyaarado dagaal

QAAHIRA, Masar - Masar ayaa heshiis la gashay France si ay u soo iibsato 30 diyaaradood oo kuwa dagaalka ah ee Rafale waxaana shabakada baaritaanka ee Disclose ay sheegtay in qandaraaskan uu ku kacayo $ 4.5bn.

Wasaaradda difaaca ee Masar ayaa shaaca kaga qaaday heshiiska bayaan ay soo saartay goor hore oo Talaadadii ah.

Madaxweyne Emmanuel Macron wuxuu sheegay bishii Diseembar inuusan ka dhigi doonin iibinta hubka Masar mid shuruud ku xiran kana go’an tahay in la ixtiraamo xuquuqda aadanaha "maxaa yeelay ma uusan dooneynin inuu wiiqo awooda Qaahira ee ka hortaga rabshadaha gobolka".

Wasaaradda gaashaandhigga Masar ayaa sheegtay in heshiiska lagu maalgelin doono amaah lagu soo celinayo ugu yaraan 10 sano laakiin ma aysan bixin faahfaahin ku saabsan qiimaha heshiiska ama macluumaad kale.

Isaga oo soo xiganaya dukumiintiyo sir ah, ayuu Disclose tibaaxay in heshiis la soo gabagabeeyay dhammaadkii bishii Abriil isla markaana la xirayo maalinta Talaadada marka wafdi ka socda Masar ay tagaan Paris.

Heshiiskan ayaa noqon doona mid sii xoojinaya diyaaradda dagaalka ee Dassault-ka ah ka dib markii heshiis $ 3.01bn ah la soo gabagabeeyay bishii Janaayo ee iibinta 18 diyaaradaha Rafales ee Giriigga.

Qatar iyo Hindiya ayaa sidoo kale heshiisyo la saxiixday Faransiiska, iyagoo diyaaradda u beddelay mid ka mid ah guulaha waaweyn ee warshadaha difaaca ee dalka.

Masar iyo Faransiiska waxay ku nooloonayaan xiriir sii kordhaya intii lagu jiray hogaaminta cilmaaniga ah ee Jeneraalkii hore ee ciidanka el-Sisi, iyagoo dano guud ka wada lahaa Bariga Dhexe iyo shakiga ay wadaagaan ee ka dhanka ah madaxweynaha Turkiga Recep Tayyip Erdogan.

GAROWE ONLINE