Qaramada Midoobay oo ka walaacsan xaaladda Brundi
-
- Posted On 17-12-2015, 09:31AM
17 December, 2015(GO)-Qaramada Midoobay ayaa ka walaacsan xaaladda ammaan ee dalka Burundi, kadib dilal qorshaysan iyo rabshado ka dhashay markii Madaxweynaha waddankaasi Pierre Nkurunziza uu shaaciyay hogaanka dalka u tartamayo mar saddexaad.
Xoghayaha guud ee Qaramada Midoobay Ban Ki-moon oo shir jaraa'id ku qabtay magalada New York ee dalka Maraykanka ayaa tilmaamay inuu ka naxsanyahay fowdada waddankaasi madaxa lagalay.
"Runtii aad ayaan uga naxsanahay waxa ka socda Burundi ee isugu jira qalalaasaha iyo rabshadaha dalkaasi ka sii socda, waxaana ka walwal qabaa inuu dalkaasi galo dagaallo sokeeye" Ayuu Ban Ki-moon.
Lataliyihiisa gaarka ayuu sheegay xoghayuhu inuu u dirayo Burundi, si madaxda dalkaasi talo galin uga siiyo dajinta xiisadda iyo qaabkii loo soo celin lahaa boqolaalka kun qof ee waddanka ka barakacay.
Hadalka Ban ayaa imaanaya iyadoo dalkaasi ka socdo dagaalladii ugu xumaan, waxaana caasumadda Bujumbura hareysay dilal qorshaysan oo lagula kacayo mas'uuliyiin iyo shacab.
GAROWEONLINE
