Sacuudi Carabiya oo ku guuleysatay Martigelinta Bandhiga Expo2030

Image
Guusha Sucuudiga ayaa timid ka dib markii ay heleen 119 cod.

RIYADH (GO) - Sacuudi Carabiya ayaa maanta ku guuleysatay martigelinta bandhigga "Expo 2030", ka dib markii ay si weyn uga sarre martay Talyaaniga iyo Kuuriya Koonfureed doorashadii ka dhacday caasimadda Faransiiska ee Paris.

Guusha Sucuudiga ayaa timid ka dib markii ay heleen 119 cod waxaana codeeyay 180 dal ee xubnaha ka ah xafiiska bandhigga caalamiga ah.

Dhaxalsugaha Boqortooyada Maxamed Bin Salmaan ayaa sheegay in guushani ay xoojinayso doorka muhiimka ah ee Sacuudi Carabiya ku leedahay Caalamka.

Dhanka kale, Wasiirka Arrimaha Dibadda, Amiir Faysal bin Farxaan, ayaa xaqiijiyay in dalkiisa ay ka go’an tahay hirgelinta qorshaha kaga aadan Expo 2030.

Waxa uu tilmaamay in bandhiga oo u dhici doono qaab aan caadi ahayn, iyadoo diiradda la saarayo taabagelinta yoolalka horumarineed.

GAROWE ONLINE

Related Articles

Isbahaysiga ka dhanka ah Itoobiya oo ku shiray dalka Masar

Falanqeeyayaasha ayaa soo jeedinaya in shirkan saddex geesoodka ah uu muujinayo jawaab celin adag oo Masar.

  • Caalamka

    11-01-2025

  • 03:01PM

Lubnaan: Taliyihii Ciidanka Lubnaan Joseph Aoun oo Madaxweyne noqday

Dowladaha Sacuudiga iyo Mareykanka ayaa taageero siiyay Jeneraalka si uu ugu soo baxo doorashadda Madaxweynaha.

  • Caalamka

    09-01-2025

  • 01:39PM