Saraakiil dacwad loogu soo oogay dilka nin madow ah

WASHINGTON, USA - Laba sarkaal boolis ah ayaa lagu soo oogay dacwad ah dil halka mid saddexaadna lagu eedeeyay dilka Manuel Ellis, oo ahaa nin Madow ah oo loo toogtay qaab naxdin leh, qoorta ugana istaageen intii lagu jiray iska hor-imaadkii 2020.

Saraakiisha booliska Christopher Burbank iyo Matthew Collins ayaa midkiiba lagu soo oogay Khamiistii dil darajada labaad ah kana dhalatay geeridii Ellis ee 3-dii Maarso 2020 ee Tacoma, gobolka Washington.

Sarkaalka saddexaad, Timothy Rankine, waxaa lagu soo oogay dacwad dil oo heerka koowaad ah. Dacwad oogidan waxay ka dhalatay baaritaan ay saraakiishu ku sameeyeen falkan.

Dhamaan sedexda sarkaal ee booliska magaalada Tacoma oo si gooni gooni ah u hor yimid garsooraha maxkamada sare ee Pierce Michael E. Schwartz jimcihii, ayaa sida ay sheegayaan wararka maxaliga ah, waxay ku adkeysteen in aysan wax dambi ah.

Eedeymaha waxaa soo saaray xeer ilaaliyaha guud ee Washington, oo uu u magacaabay Gudoomiyaha Gobolka Jay Inslee, inuu kormeero kiiska ka dib markii Xeer ilaaliyaha dacwada ee degmada Pierce uu ka dhawaajiyey warar iska soo horjeeda.

Kiiskan ayaa noqonaya kii ugu horreeyay ee Xafiiska Xeer-ilaaliyaha Guud ee Washington uu dambi ugu soo oogo saraakiisha booliiska adeegsiga sharci-darrada ah ee awooda xad-dhaafka ah taasoo sababta dil.

“Sannadkan, waxaan saxiixay in ka badan 12 hindise sharciyeed oo abuuraya shuruucda ugu badan ee isla xisaabtanka booliska ee qaranka. Waa rajadayda kulul ee ah in aan ka fogaan karno dhacdooyinka iyo dhimashada mustaqbalka," ayuu Inslee ku yiri qoraal.

Dilka Ellis, oo 33 jir ah, oo ay saaxiibbadiis u yaqaanaan "Manny", ayaa sababay caro xooggan marka loo eego qaabka loo dilay oo ahayd in la beegsadey isaga oo gaargiisa kasoo degaya kuna sii jeeda bakhaar la wariyey in uu u socday in uu kasoo adeegto.

GAROWE ONLINE