Soomaalida oo isku haysata Misaajidadii Qurbaha

AMSTERDAM (GO) - Dalka Holland jaaliyada Soomaaliyeed ee halkaasi ku dhaqan waxaa ay isku haystaan maamulka Masjid.

Masjidkaan ayaa sida aanu xogta ku helnay waxaa isku haysta guddigii oo ahaa dhawr xubnood.

Culimada Soomaaliyeed ee Sh Mustafe Ismaaciil Haaruun iyo Sheikh Yaxye Almis oo labaduba kamid ah culimada Somaliland ayaa kamid ahaa culimo muxaadarooyin Diini ah ka jeedinayay masjidkaas dhawrkii bari ee u danbeeyay.

Dadweyne isugu jira qeybaha kala duwan ayaa masjidkaas dibad-bax kahor dhigayay sadexdaas bari iyaga oo makrafoono ku qaylinaya noosoo baxa oo na dhex gala.

Culimada Soomaalida ayaa looga bartay in ay khilaafaadka Bulshada aysan kor uga hadal iyaga oo inta badan Arimaha iyaga ku xeeran gaar ahaan Masaajidada ay khilaaf iyo shaki hareeyo.

Sidaan oo kale, Masjidka Altaqwa ee magaalada Oslo ee dalka Norway ayaa muddo maamulkiisu ay Maxkamad u socotay isaga oo in muddo ah xirnaa.

Colaadaha iyo kala fogaanshiyaha bulshooyinka dhulka Soomaalida ayaa saameeya kuwa Qurbaha iyaga oo inta badan taasi ay keento in danaha guud ay ku heshiin waayaan isla markaana ay caruurtoodu ay faraha ka baxaan isla markaana ay waalidka ku adkaato keli korinta.

GAROWE ONLINE