Spain oo ballan-qaadday inay aqoonsato Falastiin
-
GAROWE ONLINE XAFIISKA MUQDISHO
- Posted On 15-11-2023, 01:27PM
MADRID (GO) - Ra’iisul wasaaraha Spain Pedro Sanchez ayaa sheegay in dowladdiisa cusub ay ka shaqeyn doonto sidii loo aqoonsan lahaa dowladda Falastiin.
Ra’iisul wasaaraha Spain ayaa ugu baaqay Israa’iil inay joojiso “dilka indho la’aanta ah ee Falastiiniyiinta” ee ka socda marinka Qasa, isagoo dhaleeceyn xooggan u jeediyay dowladda Cibraaniga ah.
Inkastoo Sanchez uu carabka ku adkeeyay in uu garab taagan yahay Israa'iil jawaabta ay ka bixineyso weerarka argagixisanimada ah ee ay fuliyeen XMS 7-dii Oktoobar, wuxuu ballan qaaday in dowladdiisa cusub ay ka shaqeyn doonto sida Yurub iyo Spain ay u aqoonsan lahaayeen dawladda Falastiin
Waxaa xusid mudan in sanadkii 2014-kii uu baarlamaanka Spain uu ugu baaqay dowladda in ay Falastiin u aqoonsato dowlad, ka dib wada xaajood dhexmari doono Falastiiniyiinta iyo Israa’iil.
GAROWE ONLINE
