Taliban oo dhanka bari ka go'doomisay magaalada Kabul

Shacabka Kabul oo ay soo food-saartay xaalad cabsi ah ayaa bilaabay in ay ka qaxaan guriyahooda. [Photo: AP]

KABUL, Afghanistan - Taalibaan ayaa dagaal la’aan waxay kula wareegeen magaaladda Jalalabad ee Afgaanistaan, sida ay sheegeen mas'uuliyiin iyo qof degaanka ah, iyagoo si wax ku ool ah uga sii dhowaanaya caasimadda Kabul oo ah magaaladii ugu dambaysay ee ugu weynayd ee wali baaq ku ah dowladda.

Jalalabad oo muhiim ah dhacdada jihadda bariga waa magaala madaxda gobolka Nangarhar, waxayna maleyshiyada hanteen subaxnimada Axadda maanta ah. Waxay xigtay qabsashadii Taliban ee magaalada weyn ee Mazar-i-Sharif. Kooxda hubaysan ayaa faafisay sawirro muujinaya ayaga oo ku sugan xafiiska guddoomiyaha ee Jalalabad.

"Waxaan saaka ku soo toosnay calanka cad -cad ee Taalibaan magaalada oo dhan," ayuu yiri Ahmad Wali oo deggan, isagoo xaqiijinaya sheegashada baraha bulshada ee Taliban. "Waxay ku soo galeen dagaal la'aan," ayuu u sheegay wakaaladda wararka ee AFP.

Abrarullah Murad, oo ah sharci -dejiye ka tirsan gobolka ayaa u sheegay Associated Press in kooxda hubaysan ay qabsadeen Jalalabad ka dib markii odayaashu kaka wada xaajoodeen dhicitaankii dawladda halkaas.

Sarkaal kale oo fadhigiisu yahay Jalalabad ayaa u sheegay Reuters in aysan jirin wax iska horimaad ah oo ka dhacay magaalada "maxaa yeelay guddoomiyuhu wuxuu isu dhiibay Taliban".

"U oggolaanshaha u-gudbinta Taliban waxay ahayd sida kaliya ee lagu badbaadin karo nolosha dadka rayidka ah," ayuu sarkaalka oo magaciisa ka gaabsadey uu hadalkiisa intaas sii raaciyay.

Sarkaal ka tirsan laamaha ammaanka reer galbeedka ayaa sidoo kale xaqiijiyay qabsashadda magaalada, wuxuuna sheegay in ay Talibanka gacanta ku dhigeen waddooyinka isku xira Afghanistan iyo Pakistan.

Kooxda Talibanka ayaa hanatay inta badan dalka toddobaadyadii la soo dhaafay markii ay ciidammada Mareykanku hoggaaminayaan ay isaga baxeen. Waddamada reer Galbeedka ayaa rumeysan in difaaca militariga Afgaanistaan ​​uu u muuqdo mid burburay.

Sabtidii, dagaalyahannada Daalibaan ayaa galay magaaladda Mazar-i-Sharif iyaga oo aan wax iska caabin ah kala kulmin ciidamada ammaanka oo la sheegay in ay ku baxsadeen dhanka dalka Uzbekistan ee deriska la ah. Fiidiyow aan la xaqiijin oo lagu baahiyay baraha bulshada ayaa muujinayay gawaarida ciidamada Afgaanistaan ​​iyo rag ku lebisan dareeska ciidanka oo kasoo talaabaya buundada isku xirta magaalada Hairatan iyo Uzbekistan ee dalka Afghanistan.

Laba hoggaamiye maleeshiyo oo saameyn leh oo taageera dowladda - Atta Mohammad Noor iyo Abdul Rashid Dostum - ayaa iyaguna baxsaday. Noor ayaa baraha bulshada ku sheegay in Taalibaan lagu wareejiyay maamulka gobolka Balkh, oo uu ku yaal Mazar-i-Sharif, sababo la xiriira "shirqool".

Iyada oo Kabul ay u muuqato mid laga sii go'doominayo dhinac walba, shacabka Afgaanistaan ​​ayaa ka qaxaya magaalada, iyaga oo u cararaya gobollada waxayna ka baqayaan inay dib ugu noqdaan xukunkii Taliban. Mareykanka wuxuu saadaaliyey in falaagada ay maalmaha soo aadan qabsan doonto caasimada.

GAROWE ONLINE