Ururka ISIS oo sheegatay weerarkii Faransiiska
-
- Posted On 14-11-2015, 01:48PM
14 Novembar, 2015(GO)-Qoraal ka soo baxay ururka ISIS ayaa lagu sheegay inay ka dambeeyeen weerar khasaaro badan dhaliyay oo ka dhacay dalkaasi, kaasi oo galaaftay nolosha in badan 150 ruux.
Bayaan uu soo saaray ururka ayaa lagu sheega inay jawaab u yihiin weeraradan kuwo ururrada lagu hayo ee ka socda dalka Siiriya.
Madaxweynaha Faransiiska Francois Hollande ayaa ku dhawaaqay in dalka Faransiiska saddex maalmood oo barooridiiq ah loo sameyn doono dadkii ku dhintay weerarradii dalkaasi ka dhacay.
Madaxweyne Hollande ayaa weerarkaasi ku eedeeyey ururka ISIS, isagoo ballan qaday in gacanta lagu soo dhigi doono dadkii weerarradasi fuliyey.
Hollande, ayaa sidoo kale amar ku bixiyay in la xiro dhammaan xuduudaha dalkaasi.
Weerarkan ayaa loo malaynayaa inay gaysteen saddex ruux oo ismiidaamiyaal kuwaasi oo qaybtood isgarxiyeen halka ciidanka amnigu toogteen haraadiga ragga weerarka fuliyay.
GAROWEONLINE
