Wasiirka Amniga Israa’iil oo dalbaday in Falastiiniyiinta laga celiyo in ay ku tukadaan Masjidka Al-Aqsa

Go'aankan ayaa la soo jeediyay in uu dhaqan galo bisha Ramadaan.

Qasa (GO) - Wasiirka Amniga Israa’iil Itamar Ben Gvir ayaa ku baaqay in laga hortago in Falastiiniyiinta ay ku tukadaan Masjidka Al-Aqsa inta lagu guda jiro bisha Ramadaan, oo curanaysa qiyaastii 3 toddobaad gudahood.

Wasiirka midiga-fog ayaa Sabtidii ku yiri akoonkiisa ee barta “X”, : “Ma xamili karno wax khatar ah. Dadka degan dhulka Falastiin waa in aan loo ogolaan in ay gudaha usoo galaan Israa’iil inta lagu jiro bisha Ramadaan”.

Ben Gvir ayaa raaciyay: "Haweenka iyo carruurtu Israa’iil maxaabiis kuma sii noqon karaan Qasa, mana yeeleyno in XMS ay dabaaldegyada guusha ku qabtaan Al-Aqsa.”

Hadalka Ben Gvir ayaa ku soo beegmaya maalin ka dib markii taleefishinka Israa’iil uu ku dhawaaqay in wasiirku uu cadaadis saarayo si uu uga hortago Falastiiniyiinta inay galaan Al-Aqsa inta lagu jiro bisha Ramadaan.

GAROWE ONLINE