Wiil uu dhalay Mucaamir Qadafi oo lagu afduubtay Lubnaan
-
- Posted On 12-12-2015, 07:23AM
12 December, 2015(GO)-Wararka ka imaanaya dalka Lobnaan ayaa sheegaya in kooxa hubaysan afduub u gaysteen wiil ganacsade ah oo dhalay hogaamiyihii hore dalka Liibiya Mucamar Al-Qadafi.
Hannibal Gaddafi, ayaa markii dambe la sii daayay, waxaana ka muuqday jirdil loo gaystay kadib markii uu ka soo muuqday TV laga leeyahay Lubnaan.
Afduubkiisa ayaa loo malaynayaa inay la xiriirto wadaad Shiica ah oo lagu magacaabi jiray Moussa Al-Sadr oo la waayay 1978dii.Waxaana lagu eedayay dowladii waqtigaa jirtay ee Liibiya.
Wiilka uu dhalay Qadafi ayaa codsanayay waqtiga uu Tv-ga ka soo muuqday in la sheego taariikhda wadaadkaas.
Hannibal ayaa ah ganacsade, wuxuuna qabaa haweenay u dhalatay dalka Lobnaan.
GAROWEONLINE
