XMS oo beenisay hadal ka soo yeeray Iran
-
GAROWE ONLINE XAFIISKA MUQDISHO
- Posted On 27-12-2023, 02:59PM
QASA (GO) - Xamaas ayaa beenisay maanta war ka soo yeeray Afhayeenka Ilaalada Kacaanka Iran oo ku saabsanaa hawlgalka "Daadadka Al-Aqsa" iyo ujeedooyinkiisa.
Xamaas ayaa bayaan ay soo saartay ku tiri, “waxaanu marar badan ku nuux-nuuxnay ujeedooyinka lagaa lahaa Hawlgalka Daadadka Al-Aqsa, oo ay ugu horreyso khataraha ku wajahan Masjidka Al-Aqsa”.
War-saxaafadeedka ayaa lagu yiri, “Xamaas waxay beenisay sax ahaanshaha hadalka uu sheegay Afhayeenka Ciidamada Ilaalada Kacaanka Islaamiga ah Sareeye Guuto Ramadaan Shariif ee ku aadanaa howlgalka Daadadka Al-Aqsa iyo ujeedooyinka laga leeyahay.
Xamaas ayaa xaqiijisay in "dhammaan ficilada iska caabinta Falastiiniyiinta ay jawaab u tahay gardarrada joogtada ah ee ka dhanka ah shacabka Falastiiniyiin.
GAROWE ONLINE
