Xukuumaddii la kala diray ee Suudaan oo ka cabatay ka qeybgalka Al-Burhan ee shirka QM

kHARTOUM, Sudan - Xukuumaddii ku meel gaarka ahayd ee la kala diray ee Suudaan ayaa u gudbisay xoghayaha guud ee Qaramada Midoobay Antonio Guterres qoraal ay kaga soo horjeedaan ka qayb galka taliyaha guud ee ciidamada Sudan Abdel Fattah al-Burhan ee shirka Golaha Guud ee Qaramada Midoobay.

Dawladdii Abdullah Hamdok, oo lagu kala diray Oktoobar 2021 go’aan ka soo baxay taliyaha ciidamada Suudaan, ayaa sheegay in ka qayb galka Al-Burhan ee shirka uu ka hor imanayso mawqifka ay wadamada caalanka ka qaateen afgambiyada militari.

Sida ku cad qoraalka ay ku saxeexan yihiin Abdullah Hamdok iyo tiro wasiiro hore ah, arrintan ayaa diraysaa calaamado khatar ah oo dhiirigelinaysa afgambiyada milatari ee dhawaanahan ku fiday Afrika.

GAROWE ONLINE