Xuutiyiinta oo gantaal ku duqeeyay dekad muhiim ah

Dowladda caalamku aqoonsan yahay ayaa bayaan ku sheegtay in weerarku geystay khasaaro badan.

SANCA, Yemen - Saraakiisha Yemen ayaa sheegay in fallaagada Xuutiyiinta ee dalkaasi ay gantaal ballistic ah iyo shan diyaaradood oo walxaha qarxa laga soo buuxiyay ku garaaceen dekadda Badda Cas.

Sida laga soo xigtay sheegashada saraakiisha, duqeyntaas ayaa waxay burburisay bakhaarrada ay ku jireen cunooyinka gargaarka bani’aadamnimada.

Wasaaradda arrimaha dibedda ee dowladda caalamku aqoonsan yahay ayaa bayaan ay soo saartay Sabtidii ku sheegtay in weerarka lala beegsaday dekedda al-Makha ee ku taal xeebta galbeed ee Yemen.

Lama soo sheegin wax khasaare nafeed ah, laakiin qoraalka wasaaradda ayaa lagu sheegay in weerarku uu "burbur aad u weyn" u geystay kaabayaasha dekedda.

Sidoo kale, waxaa lagu xusay in uu gubay bakhaarradii qaar ka mid ah hay’adaha gargaarka. Ma sheegin magaca waxyaabaha xamuulka ee ku kaydsan marsadda.

Koonfur-galbeed ayaa muhiim u ah soo dejinta iyo gaarsiinta sahayda bani’aadamnimada. Dekedda ayaa la sheegay in bil ka hor dib loo furay ganacsi kadib dib u dhis iyo dayactir lagu sameeyay.

Weerarka waa kii ugu dambeeyay ee lagu eedeeyo Xuutiyiinta oo asbuucyadii dambe xoojiyey beegsiga xarumaha dowladda, iyo kaabayaasha dhaqaalah dalka ay saohdinta wadaagaan Sacuudi Carabiya.

GAROWE ONLINE