Yahuuda oo xabsi kasii deysay mudane reer Falastiin ah
-
WARIYAHA CAALAMKA GAROWE ONLINE
- Posted On 26-09-2021, 06:17PM
TEL AVIV, Israel - Khalida Jarrar oo ah haweenay 58 jir hormuud u ah siyaasadda iyo ururadda bulshada Falastiin ayaa la sii daayay kadib ku dhawaad laba sano oo ay ku jirtay xabsiyada Israa’iil.
Jarrar, oo u jaranjeerta garabka bidix ah ahna xubin ka tirsan sharci-dejinta Falastiin (PLC) ayaa laga sii daayey bar-kontarool ku taal galbeedka magaalada Jenin galabnimadii Axadda.
Sannadkii 2015-kii ayay ahayd markii Khalida Jarrar lagu xukumay 15 bilood oo xabsi ah ka gedaal marki lagu eedeeyay in ay xubin ka noqotay "urur sharci -darro ah".
Mas'uuliyiinta Yahuuda ayaa ka mamnuucay in ay safarto tan iyo 1988-kii, marka laga reebo safar saddex toddobaad ah oo ay ku tagtay Amman, Jordan, si loogu soo daweeyo.
Jarrar waxaa loo doortay xubin ka tirsan PLC ee liiska PFLP 2006. Waxaa kaloo loo magacaabay Guddiga Qaranka Falastiin si ay ula socoto Maxkamadda Dambiyada Caalamiga ah.
Bishii Luulyo, mid ka mid ah labada gabdhood ee Jarrar, Suha, oo 31 jir ah, ayaa ku dhimatay Ramallah ka dib xaalado caafimaad oo soo foodsaare, sida ay ku waranaty warbaahinta maxaliga ah.
Dhacdadaas ayaa waxay horseeday olole iyo baaqyo ballaaran Israel looga dalbanayo in ay xorriyadeeda u soo celiso siyaasiyaddan si ay uga qeybgasho aaska gabadheeda, taas oo Israel ay diiday.
GAROWE ONLINE
