Shacabka Garowe oo maanta si wanaagsan u ciiday
-
- Posted On 12-09-2016, 10:45AM
GAROWE, Puntland- Waxaa maanta si wanaagsan looga ciiday magaalo madaxda Puntlan ee Garowe, iyadoo ciidan ka duwanayd kuwii hore, maadama madaxda ugu sarraysa dowladda aysan ku sugnayn.
Garoonka Mire Awaare iyo guud ahaan masaajidda magaalada ayaa waxaa ku tukaday labada Rakcadood ee Ciidul Adxa bulshada rajidka ah qaybaheeda kala duwan iyadoo culimaa'uddiinku soo jeediyeen khudbado diiradda lagu saaray sida diinta Islaamku u weynaysay maalintan.
Waxay umadda ku baraarujiyeen inay sameeyaan dhammaan waxyaabah ay farayso diintu.
Waxaa sidaas si lamid ah looga ciiday magaalooyinka kale ee dalka Somalia guud ahaantood, waxaana hambalyo ku aadan maalinta diray madaxda Somalida Idilkood, kuwaasoo bulshada Alle uga baryay inay sannadkan kiisa kale ku gaaraan barwaaqo iyo bash-bash.
Mas'uuliyiinta Warsidaha Garowe Online, Tifaftirayaasha iyo dhammaan shaqalaha katirsan ayaa Halbalyo sidoo kale u diraya umadda Islaamka ah meel kastoo ay joogaan, waxaana Idin leenahay Sannadkan kiisa kale EEBBE ha inagu simo Nabad iyo Caafimaad.
GARWEONLINE
