AMISOM oo Dib Ula Wareegtay Magaalada Marka
-
- Posted On 06-02-2016, 11:15AM
MARKA- Ciidamada dowladda Somalia oo kaashanaya kuwa Midowga Afrika kasocda ee AMISOM, ayaa saaka dib ugu laabtay magalada Marka gobolka Shabeellaha hoose kadib bixitaankooda shalay.
Dagaal ayaa dhexmaray ciidamada dowladda iyo kuwa ururka Al-Shabaab oo degmada shalay lawareegay kuwaas oo saldhigyo kala duwan ka samaystay magalada.
Khasaaro kala duwan ayaa laga soo sheegayaa, waxaana jira xabado goos-goos ah oo laga maqlayo gudaha Marka, waxaana wararka aan helayno sheegayaa in mid kamid ah qabaa'ilka daga xarunta Shabeellah hoose gaar ahaa Biyo-maalku taageero millateri iyo mid dhaqaale siiyeen ururka iyagoo shalay si weyn usoo dhaweeyay.
Lama garankaro sababta ku kaliftay taageerada Shabaab siiyeen, balse qabiilkan ayaa horay tabashooyin uga muujinayay dowladda Somalia.
Mallayshiyaadka Shabaab ayaa lagu soo waramayaa in guud ahaanba kabaxeen Marka, waxaase cabsi xooggan qaba shacabka ku dhaqan magalada kuwaas oo qaybtood lasoo warinayo inay u qaxeen deegaanada ka agdhow magalada xeebta dhacda.
Shalay 05 Febraayo, 2016, ayaa ciidamada AMISOM iyo kuwa dowladda Somalia kabaxeen magalada ay la wareegeen, waxaana la ogayn sababta markii hore kaliftay inay faarujiyaan xaruntan muhiimka ah.
GAROWEONLINE
