Axmed Madoobe oo waqti loogu daray soo xulista wasiirrada Jubbaland
-
- Posted On 31-12-2015, 09:23AM
31 December, 2015(GO)-Barlamanka maamulka Jubbaland ayaa aqbalay codsi mar saddexaad uga yimi Madaxweynaha Jubbaland Axmed Madoobe, waxaana Xildhibaanadu u ansixiyeen 90 cisho oo dheeraad ah.
Xidhibaanada ayaa cod aqlabiyad leh ku ansixiyay codsiga uu soo jeediyay madaxweynaha Jubblanad oo cadaadis ka haysto siyaasiyiin iyo qaar kamid ah beelaha maamulkaas oo doonaya inay iska dhex arkaan golaha xukuumadda.
Gudoomiyaha guddiga hab dhowrka ee baarlamaanka Jubbaland Bashiir Maxamed ayaa saxaafada u sheegay in waqti kordhinta ay ka bilaaban doonto shanta bisha Janaayo ayna ku egtay shanta bisha Abriil ee sanadkan 2016-ka.
Barlamanka ayaa maalmahan ka doodayay inay codsiga Madaxweynaha, waxaana jiray mudanayaal dhaliilay waqti ku darista waxayna sheegeen inaysan jirin sabab mar saddexaad madaxweynaha fursad loo siiyo maadama uu dayacay ku hore.
GAROWEONLINE
