Barlamanka Soomaaliya oo kulan yeelanaya
-
- Posted On 01-06-2016, 10:39AM
MUQDISHU- Waxaa maanta lagu wadaa in magalada Muqdishu caasumadda Soomaaliya kulan ku yeeshaan Xildhibaanada Barlamanka oo ka arrinsan doona howlaha horyaalla kalfadhiga u socda golaha shacabka.
Fadhigan, oo shir guddoomin doono Maxamed Sheekh Cusmaan Jawaari, ayaa diiradda lagu saarayaa sidii loo dhammaystiri lahaa howlaha weli ka harsan kalfadhiga 8-aad ee Barlamanka Soomaaliya, waxaana ku jira shuruuco maray habkii koowaad ee Akhriska hadana u baahan ansixin.
Mudane katirsan Barlamanka oo la hadlay GO, ayaa sheegay inay maanta isu imaan doonaan islamarkaana ebyi doonaan qorshayaasha harsan isagoo xusay inuu khubad jeedin doono Guddoomiyaha Barlamanka Soomaaliya.
Kulankan, ayaa kusoo beegmaya xilli todobaadkii hore madaxweynaha dowladda Soomaaliya heer ku ansixiyay hannaankii doorashada oo muddo horyaallay Xildhibaanada, waxaana arrintaasi siyaabo kala duwan u arkay mudanayaasha oo qaybtood kasoo horjeesteen.
Lama oga inay arrintaasi kusoo qaadan doonan, waxayse u badan tahay inaan laga hadlin.
Kalfadhigan u socda Xildhibaanada waddanka, ayaa noqonaya kii ugu dambeeyay, waxaan markuu dhammaado la filayaa in lakala diro.
GAROWEONLINE
