Beesha caalamka oo u kala dabqaadeysa madaxda Somalia
-
- Posted On 26-01-2016, 09:12PM
MUQDISHU: Wararka warsidaha Garowe Online ka helayo magaalada Muqdishu ayaa sheegaya ineysan jirin wax isbadal ah oo ku yimid mowqifka madaxda Somalida kuwasoo shirar gooni ah la yeelaney maanta xubnaha beesha caalamka.
Xubnaha beesha caalamka ka jooga magaalada Muqdishu ayaa kulamada ay la qaadanayeen madaxada Somalida diirada ku saarayey sidii la isugu soo dhoweyn lahaa fikirada ay kala qabaan dhinacayada siyaasada Somalia.
Sida aan ka helnay xogogaal ku dhow kulamadaas ayaa sheegaya in beesha caalamka ku guuldareystey maanta iney xal ka gaaraan sidii la isugu soo dhoweyn lahaa fikirkada kala ah in wax lagu qaybsado 4.5 iyo nidaamka degmooyinka.
Caawa wararka aan ka heleyno Villa Somalia ayaa sheegaya inuu halkaas ka socdo kulan sadex geesood ah ee u dhexeeya madaxweynaha Puntland, Jubaland iyo Ra'isal wasaare Cumar Cabdirashid.
Lama oga waxyaalaha looga hadlayo kulankaan balse waxaa jira warar sheegaya in maalinta berri ah suurtagal tahay in madaxweynaha Jubaland u ambabaxo magaalada Kismayo.
GAROWEONLINE kala soco wararka la xiriira kulanka magaalada Muqdishu uga socda madaxda Somalida
