Ciidamada Dowladda oo howlgallo ka fuliyay deegaano hoos yimaada G. Baay
-
GAROWE ONLINE XAFIISKA MUQDISHO
- Posted On 08-10-2023, 02:54PM
BAYDHABO, Soomaaliya - Ciidamada xoogga dalka Soomaaliyeed ayaa maanta howlgallo ka dhan ah kooxda AS ka sameeyay deegaano ka tirsan maamulka Koonfur Galbeed. Taliyaha Ururka 154-8-aad ee qeybta 60-aad Xasan Aadan Cali, ayaa hogaaminayay howlgalka, waxaana lagu beegsaday xubno ka tirsan ‘AS’ oo ku sugnaa deegaano ka tirsan degmada Diinsoor.
Deegaannada Saaxda Rooxaale, Gaanuwaay, Degolool, Banayaal, Biilaale, Degomar, Kurmaan, iyo deegaano kale oo ku yaala Waqooyi Galbeed ee degmada Diinsoor ee gobolka Baay ayaa si gaar ah diiradda lagu saaray howlgalkan.
Dhaqdhaqaaqyadan ciidan ayaa ku soo beegmaya iyadoo dhawaan ku baaqay Madaxweynaha Dowlad Goboleedka Koonfur Galbeed C/casiis Xasan Maxamed Laftagareen in dhinac looga soo horjeesto kooxda ‘AS’.
Kooxda ‘AS’ ayaa haatan gacanta ku haysa inta badan ee maamulka Koonfur Galbeed, iyadoo la filayo in dhawaan laga bilaabo wajiga 2-aad ee howlagalka ka dhanka ah ‘AS’, inkastoo aan muuqan wax diyaar-garow ah ay isugu abuubalayaan dadka deegaanka dagaal ku wajahan kooxda ’AS’.
GAROWE ONLINE
