Ciidamo Itoobiyaan ah oo bandhow ka dhaqan geliyay degmada Doolow

Image
Bandowga ayaa looga hortagayaa weerarada ka dhanka ah dadka Oromada ah ee ku sugan gobolka Gedo.

Doolow, Soomaaliya - Ciidamada Itoobiya ayaa bandow rogay magaalada Doolow ee degmada Gedo ee Dowlad-Goboleedka Jubbaland, kaasoo ka dhashay caro dadweyne, maadaama ciidamadan aysan ka tirsaneyn ciidamda ATMIS.

Ciidamadan Itoobiyaanka ah ayaa dadka ku dhaqan Doolo ku qasbaya in ay guryahooda ku noqodaan xilli hore, sida ay ku soo warrameen dad ku sugan magaalada.

Maalmihii la soo dhaafay ayay ciidamdan ku guuleysteen in ay dhaqan geliyaan bandowga, iyaga oo howlgallo ka sameeyay xaafadaha kala geddisan ee degmada Doolow.

Ciidamda Itoobiyaanka ayaa la sheegay in bandowga uga hortagayaan weerarada ka dhanka ah dadka Oromada ah ee ku sugan gobolka Gedo, kaasi oo ku bilawday dil loo geystay 5 Itoobiyaan oo ku sugnaa maqaaxi ku taalla Degmada Beledxaawo.

Talaabooyinkan ayay Soomaalidu siyaabo kala duwan uga falceliyeen baraha bulshada, iyagoo qaarkood dalbanayay in la xaddido dhaqdhaqaaqa Itoobiyaanka ku dhaqan gudaha dalka.

GAROWE ONLINE

Related Articles

Madaxweynaha Soomaaliya oo Soo Dhaweeyay Heshiiska Xabbad-joojinta ee Gaza

Heshiiska ayaa la filaya inuu soo afjaro xasuuqa mudada ka socda magaaladda oo ku dhawaad 60,000 qof lagu dilay.

  • Soomaliya

    16-01-2025

  • 12:08PM

Al-Shabaab oo Soo Bandhigtay Muuqaalka Askari Kenyan ah

Dowladiisa Kenya ayuu ka codsaday inay soo badbaadiso, maadaama uu mudo dheer ku jiray gacanta Kooxda.

  • Soomaliya

    16-01-2025

  • 07:15AM