Ciidanka dowladda oo ku dagaallamay Muqdishu
-
- Posted On 06-01-2016, 02:25PM
06 January, 2016(GO)-Dagaal khaasaaro nafeed gaystay ayaa maanta magalada Muqdishu ku dhexmaray ciidamo ka kala tirsan dowladda Somalia kuwaas oo isku khilaafay howl gal loo diray.
Ugu yaraan laba qof ayaa ku dhimatay tira kalena dagaalka oo socday muddo laba saac ah, kana dhacay xaafadda Soona Key degmada Hodan.
Ciidamada dagaallamay ayaa isku khilaafay dhul la isku haysto oo Boliiska Muqdishu sheegeen in lagu amray inay burburiyaan, halka Millatari halkaas ku sugnaa kasoo horjeesteen.
Wararka ayaa sheegaya in guryaha la bur burinayo degan yihiin qaar ka mid ah qoysaska askarta diidan ee katirsan Millatariga Somalia, sida ay xaqiijiyeen goob joogayaal kusugan muqdishu.
Ciidamada dagallamay ayaa weli ishorfadhiga, waxaana socda barakac ay samaynayaan dadka degmada kuwaas oo ka cabsi qaba dagaal mar kale dhaca.
Goob joogayaal kusugan degmada Hodan ayaa tilmaamaya inay dhexgaleen ciidamo katirsan AMISOM.
GAROWEONLINE
