Dadaalo la isugu soo dhaweynayay Soomaaliya iyo Itoobiya oo fashilmay

Image
Isku-daygan diblumaasiyasadeed waxaa hormuud ka ahaa Jabuuti iyo Kenya waxaana waan-waanta ay ka socotay Nairobi.

MUQDISHO, SoomaaliyaDadaal diblumaasiyadeed oo ay Kenya iyo Jabuuti ku doonayeen in ay ku xaliyaan khilaafka u dhaxeeya Itoobiya iyo Soomaaliya ee ku saabsan is-afgaradkii muranka dhaliyay ayaa dhamaaday iyadoo aan la gaarin wax heshiis ah, sida ay sheegeen ilo xog ogaal ah.

Xogta ayaa sheegeysa in maalmihii la soo dhaafay ay magaalada Nairobi ku sugnaayeen wakiilo ka kala socda Soomaaliya iyo Itoobiya balse mas’uuliyiinta labada dal ma aysan la kulmin ama ma yeelan wada hadal toos ah. 

Kenya waxa ay wadday dadaal dhab ah oo diblumaasiyadeed, dadaalkaas oo la sheegay in uu hormuud u ahaa madaxweynaha Kenya William Ruto.

Xogtu waxay sheegeysaa in mowqifka Soomaaliya uu ahaa mid cad uuna ahaa in aysan jiri doonin wada hadal toos ah haddii aysan Itoobiya ka tanaasulin Is-afgaradkii “Sharci-daro” ahaa ee uu baarlamaanka Soomaaliya ku dhawaaqay, uuna saxiixay Madaxweyne Xasan Sheekh Maxamuud.

GAROWE ONLINE

Related Articles

Soomaaliya oo ka dalbatay Iraq in labo arin ka caawiso

Cabdullaahi Sheekh Ismaaciil Fartaag, ayaa ku sheegay booqashadiisa Baqdaad inay ahayd mid guul leh.

  • Soomaliya

    15-01-2025

  • 12:54PM

Soomaaliya: Xasan Sheekh oo ka digay faafinta "cabsi iyo welwel" ku saabsan mustaqbalka dalka

Dowladda ayaa sidoo kale xustay inay sii wadi doonto wadahadallada iyo is-afgaradka la leh dhammaan dhinacyada siyaasadeed ee dalka.

  • Soomaliya

    15-01-2025

  • 11:19AM