​Dowladda Somalia oo lagu wareejiyay qalabka hawada

MUQDISHU- Waxaa maanta si rasmi ah dowladda Somalia loogu wareejiyay qayb kamid ah qalabka lagula socdo hawadda iyo diyaaradaha isticmaala taasi oo qayb ka ahayd wadahadal dhacay sannadkii 2014.

Munaasabad qalabkaasi lagu wareejinayay ayaa lagu qabtay caasumadda Somalia, waxaa arrintaasi fududeynteeda iska kaashaday IGAD iyo hay'adda duulimaadyada caalamiga ah ICAO.

Qalabkan lagu wareejiyay dowladda, ayaa qeyb ka ah heshiis bishii december ee sanaddii 2014-kii ay dowladda Soomaaliya iyo ICAO kala saxiideen, kaasoo lagu hirgelinayo qorshe kama dambeysta Soomaaliya ay kula wareegeyso maamulka hawadeeda.

Qorshahan, waxaa kasoo horjeestay maamulka Somaliland oo sheegay inuu Somalia inteeda kale ka ga'ay.

Dowladda Federalka ayaa dhinaceeda tallabadan soo dhaweysay.

GAROWEONLINE