Dowladda Soomaaliya oo codsi cusub u dirtey Bangiga Adduunka

Image
Floribert Ngaruko, oo ah Agaasimaha Bangiga Adduunka ee Afrika (Group 1), ayaa booqasho ku yimid Muqdisho.

MUQDISHO, Soomaaliya - Ku-simaha Ra’iisul Wasaaraha ahna Ra’iisul Wasaare ku xigeenka Saalax Axmed Jaamac ayaa xafiiskiisa ku qaabilay Dr. Floribert Ngaruko oo ah Agaasimaha Bangiga Adduunka ee Afrika (Group 1).

Ngaruko ayaa ku ammaanay dowladda Soomaaliya dadaalkii ay muujisay si ay usoo gaarto barta dhammaadka hannaanka deyn cafiska oo soo gaba-gaboobay 13 bishan Diseembar ee aynu ku jirno.

Saalax ayaa kala hadlay masuulkan sidii Bangigu uga taageeri lahaa Soomaaliya qorshaha deyn cafiska kadib, isaga oo uga mahad-celiyay Agaasimaha doorkii uu bangiga ka qaatay dhammaystirka hannaanka deyn cafiska.

Ra’iisul Wasaare ku xigeenka ayaa xusay inay ka dawlad ahaan ballan qaadayaan inay sii xoojin doonaan sii wadista dib-u-habaynta dhaqaalaha, koboca dakhliga gudaha, la dagaallanka musuqa iyo ka miraa-dhalinta hiigsiga xukuumadda DanQaran ee isku filnaansho dhaqaale.

GAROWE ONLINE

Related Articles

Ra’iisul Wasaare Xamse Cabdi Barre oo shaaciyay Khataraha Jiritaanka Soomaaliya

Wuxuu iftiimiyay halista ay leedahay aragtida gooni-u-goosatada oo uu ku tilmaamay mid gurracan oo wax u dhimaysa midnimada qaranka.

  • Soomaliya

    17-01-2025

  • 09:02AM

Ciidamada Puntland oo Gacanta Ku Dhigay Xarumo Muhiim ah oo Daacish laga saarey

Guushan ayaa waxaa lagu tilmaamay inay tahay tallaabo muhiim ah oo lagu xoojinayo nabadda iyo amniga guud ee Puntland.

  • Soomaliya

    17-01-2025

  • 07:12AM