Dowladda Soomaaliya oo sheegatay dilka horjooge Al-Shabaab ah

Cabdulqaadir Xaaji Eenoow ayaa ku dhintay howlgal ciidamaddu ka sameeyeen gobolka Shabeellaha Hoose.

MUQDISHO, Soomaaliya - Dowladda Soomaaliya ayaa sheegatay dilka hogaamiye sarre ka tirsanaa maleyshiyaadka Al-Shabaab ee gacansaarka la leh shabakada Al-Qaacida.

Sidda laga soo xigtay warka qoraalka ah, horjoogahan oo sawirkiisa aanan wali lasoo helin ayaa waxaa magaciisa lagu sheegay Cabdulqaadir Xaaji Eenoow.

Warbaahinta ku hadasha afka dowladda Soomalaiya ayaa faafiyay in Cabdulqaadir Xaaji Eenoow uu ku dhintay howlgal ciidamaddu ka sameeyeen gobolka Shabeellaha Hoose.

"Dhagarqabe Cabdulqaadir Xaaji Eenoow ayaa caawa lagu dilay howlgal ay fuliyeen ciidanka xoogga dalka, gaar ahaan ururka 26-aad, guutada 6-aad ee qeybta 60-aad, howlgalka ayaa ka dhacay deegaanka Golweyn ee gobolka Shabeellada Hoose," ayuu yiri TV-ga dowladda.

Qoraalka ayaa intaas ku daray: "Taliyaha ururkaas Dhamme Faarax Maxamuud Xirsi ayaa Warbaahinta Qaranka u sheegay in xogta dhagarqabahaan ay lasoo wadaageen shacabka ku nool tuulooyinka u dhow Golweyn, iyagoo caawa ku guuleystay inay khaarajiyaan".

GAROWE ONLINE