Faahfaahin Qarax ka dhacay degmada Jowhar
-
GAROWE ONLINE XAFIISKA MUQDISHO
- Posted On 14-09-2023, 07:55PM
JOWHAR, Soomaaliya - Wararka caawa ka imaanaya magaalada Jowhar ayaa sheegaya in qarax khasaare geystay uu ka dhacay guri ay ku sugnaayeen ciidamo ka tirsan kuwa deegaanka kuwaas oo la joogay Guddoomiye ku xigeenka Gobolka Shabeellaha Dhexe.
Qraxaan ayaa sababay khasaare dhimasho iyo dhaawac isugu jirto, iyada oo dadka deegaanka xaqiijiyeen dhimashada 5 ruux oo ka tirsanaa Ciidamada deeganka galbeedka Magaalada Jowhar.
Magaalada Jowhar ayaa hadda waxaa ka taagan xiisad adag, iyadoo dhawaqa rasaasta laga maqlayo waddooyinka. Dowladda Hirshabelle ayaa ilaa haatan war kasoo saarin qaraxaan eewaxyeello kasoo gaartay dad raiyd ah.
Dhawaanahan ayaa waxaa ka socday degmada Jowhar abaabul ay beelaha dega galbeedka Hirshabelle isugu diyaarinayaan wajiga 2-aad ee dagaalka ka dhanka ‘AS’.
GAROWE ONLINE
