Gaajo loogu dhintay gobolka Shabeellaha hoose
-
- Posted On 12-03-2016, 11:05PM
BARAAWE-Xaalad aad u adag ayaa laga soo sheegaya deegaano katirsan gobolka Shabeellaha hoose, waxaana la xaqiijiyay geerida hal qof oo dumar ah, halka dad badan u il daranyihiin gaajo ka taagaan deegaanada gobolkaasi.
Haweeynayda dhimatay ayaa maamulka gobolka Shabeellaha hoose sheegeen inay uur lahayd, iyagoo tilmaamay inay u dhimatay baahi soo wajahday.
Maamulka gobolka Shabeellaha Hoose, ayaa xusay in hooyadaasi ku qurbaxday tuulada Ambareeso oo hoos timaada degmada Baraawe, iyadoo 30 qoys oo isla deegaankaas degganna ay khatar ugu jiraan xaaladdan oo kale.
Cali Nuur Maxamed oo ah guddoomiye kuxigeenka gobolka Shabeellaha Hoose ee dhinaca amniga, ayaa Idaacadda VOA u sheegay in dhimashadan keentay abaaro baahsan oo gobolka ka taagnaa muddooyinkii dambe, isagoo xaqiijiyay in gabi ahaanba guray Wabiga Shabeelle oo ahaa isha dad badani ku tiirsanaayeen.
Gudoomiyuhu, wuxuu cadeeyay inaysay lahayd awood dadkaasi loogu gurmado, balse gurmad u dirsadeen dowladda Somalia.
Xaaladdan, ayaa timi xilli dhawr jeer oo hore laga dayriyay xaaladda deegaanadaasi, iyadoo shacabku dalbadeen gargaar bini-aadanimo kadib markii ay wayeen xilli roobaadyadii lasoo dhaafay.
GAROWEONLINE
