Wariye Goobdoon oo ku dhintey Muqdishu
-
- Posted On 26-01-2016, 12:14PM
MUQDISHU- Allaha u naxariistee waxaa xalay saqdii dhexe magalada Muqdisho ku geeriyooday saxafi Cabdi Xaaji Goobdoon oo si weyn looga yaqaan gudaha dalka Somalia.
Cabdi xaaji Goobdoon ayaa shaqada wariye ka bilaabey Idaacada Muqdishu halka bilowgii sideedankii uu noqdey agaasime guud ee wasaarada Warfaafinta Somalia.
AHN Cabdi Xaaji goobdoon ayaa sidoo kale noqdey wariyaha gaarka ah ee madaxweynihii hore ee Somalia AHN Maxamad Siyaad Barre.
Gobdon wuxuu ka mid ahaa mas'uuliyiintii badbaadiyay keydka cajaladaha ee Radio Muqdisho sannadihii faraha badnaa ee dagaalada ka socdeen Somalia gaar ahaan magaalada Muqdishu.
Wasiirka warfaafinta Somalia Maxamed Xayir Maareeye ayaa tacsi u diray dhammaan ehelkii iyo qaraabadii uu ka baxay marxuub Cabdi Xaajo Goobdoon, waxa kale uu sheegay inay ku xun yihiin geeridiisa balse ay muhiim tahay in alle loo baryo inuu u danbi dhaafo.
Suxufiyiinta Somalia ee aqoonta u leh Cabdi Xaaji Goobdoona yaa tacsi ka diray iyagoona muujiyay inuu ka baxay saxaafada macalin rug cadaa ah.
GAROWEONLINE
