Guddiga madaxweyne Xaaf oo soo saarey jadwal doorasho
-
WARIYAHA GAALKACYO GAROWE ONLINE
- Posted On 13-01-2020, 12:13PM
GAALKACYO, Galmudug - Guddiga uu magacaabay madaxweyne Axmed Ducaale Geelle [Xaaf] ayaa soo saarey jadwal doorasho ay ku cad yihiin coddeyn la filayo in ay ka qabsoonto Gaalkacyo.
Tani ayaa qayb ka ah jahwareer horleh oo maamulkan uu lugaha lasii gelayo maadaama qabanqaabada doorasho kale ay ka socoto Dhuusamareeb, caasimada rasmiga ah ee dowlad goboleedka.
Jadwalka guddiga Xaaf ayaa xeerinaya in Xildhibaanadda lasoo xuli doono 18-ka bishaan Janaayo 2020, iyaddoo lagu darayo qoondada ay leedahay Ahlu Sunna Waljameeca.
Doorashadda guddoonka baarlamaanka ayaa loo muddeeyay 25-ka Janaayo, 2020. Doorashadda madaxweynaha ayuu guddigu shaaciyey in ay qabsoomeyso 1-da bisha Febraayo, 2020-ka.
Hoos ka akhriso qoraalka
GAROWE ONLINE
