Hoobiye Lagu Garaacey Jaamacada Kismayo
-
- Posted On 06-02-2016, 10:38AM
KISMAYO- Xaaladda deeganka Buulo-gaduud ayaa saaka degan, waxaana lagu soo warramayaa ciidamada isbahaysiga ee Ethiopia oo qeyb ka ah howgalka Amisom iyo kuwa Jubbland in ay dib ugu soo laabteen magaalada Kismaayo.
Al-Shabaab ayaa weli gacanta ku haya Buulo-gaduud oo 30-km u jirta magaalada Kismaayo ee xarunta gobalka Jubbadda Hoose.
Ciidamada Ethiopia iyo kuwa Jubbland ee shalay duulanka ku qaaday Al-shabaabka ku sugan Buulo-Gaduud, balse waa ay ku guul daraysteen inay la wareegaan magaaladaasi, iyadoona ku soo laabtay xerada Jaamacadda ee magaalada Kismaayo.
Sidoo kalle, wararka ayaa sheegaya in Al-shabaab xalay ay hooboiyaal ku soo tuureen xerada Jaamacadda oo ay hadda ku sugan yihiin ciidamadais-baheesanaya.
Waxaa dib isoo laabtay isgaarsiinta magaalada Kismaayo iyo guud ahaan gobalka Jubbadda Hoose.
GAROWEONLINE
