Iskuulada Sh Ibraahim Kaboole ee Burco oo magacii laga badalay! Maxay tahay sababtu?

BURCO, Soomaaliya - Magaalada Burco ee gobalka Togdheer waxaa maamulka Somaliland ay ku dhawaaqeen in ay magacii ka badaleen guud ahaan iskuuladii Sh Ibraahim Kaboole isla markaana loo bixiyay Abwaan Maxamed Ibraahim Warsame"Hadraawi".

Maamulka iskuulada ayaa tilaabada qaadacay iyaga oo ilaa hadda diidan u hogaansamida doonista madaxtooyada Somaliland.

Waa kuma sh Ibraahim Kaboole?

Sh Ibraahim Kaboole ayaa ahaa mid kamid ah culamada kasoo jeeda gobalka Sanaag isaga oo ku dhaqnaa Burco halkaasi oo uu ku geeriyooday ayna ilaa maanta ka muuqato raadadkiisi fidinta diinta islaamka.

Maxaa keenay tilaabada?

Madaxweynaha Somaliland Muuse Biixi Cabdi oo kusoo jabay colaada Laascaanood isla markaana laga soo saaray gobalka Sool ciidankiisi ayaa si uu isaga leexiyo indhaha bulshada waxaa uu amray tilaabadan wasiirka Waxbarashada.

Tan ayaa lagu tilmaamay Faquuq iyo mid bulshada soomaalida kala dhex dhigi doonta mahadho aan dhamaan.

GAROWE ONLINE