Kiisaska Covid-19 ee Soomaaliya oo dhaafay 2,300, geerida oo korortay

MUQDISHO, Soomaaliya – Wasaaradda caafimaadka dowladda federaalka ah ee Soomaaliya ayaa sheegtay in 24-kii saac ee lasoo dhaafay ay diiwaan-gelisay 45 kiisas cusub oo ah safmarka Coronavirus.

Xaaladaha cusub ayaa laga diiwaan-geliyey; Benadir: 25, Somaliland: 17, Puntland: 2 iyo Koonfur Galbeed oo hal kiis laga helay.

Saraakiisha caafimaadka ayaa tilmaamay in inta badan dadkaan ay yihiin kuwa lagu daartay oo aanan safar dibadda ah gelin.

Wararka ayaa intaas ku daraya in bukaanadda cusub ee gobolka Banaadir ay ku jiraan qaar dhowaan kasoo laabtay dibadda.

Warbixinta ayaa tibaaxeysa in shaqsiyaadka cusub ee uu soo ritay xanuunka faafa ay 35 kamid ah yihiin Lab, halka tobbanka kale ay yihiin Dhedig ama haween, sidda loo garan og-yahay.

Tiradda guud ee kiisasha Covid19 ee Soomaaliya ayaa gaarey 2,334, taas oo la macno ah in ay kusii dhow-dahay 2,400 ruux.

Dhanka kale, waxaa afar iyo labaatankii saac ee lasoo dhaafay u dhintay hal ruux, halka tobban kale ay ka caafimaadeen cudurka.

Tani ayaa waxay ka dhigan tahay in wadarta bogsashadda ay noqoneyso 441, halka geeriduna ay sii cagacageyneyso 83 marxuum.

Sikastaba ha ahaatee, kororka xaaladaha fayruska dilaaga ah ee gudaha dalka Soomaaliya waa si maalinleh ah loosoo warinayo, taas oo la macno ah in halistu wali taagan tahay, waxaase hooseeya taxadarka.

GAROWE ONLINE