Kooxda AS oo weerartay xaruntii Hay’adda NISA ee Balcad

Khasaaro kala duwan oo isugu jira dhimasho iyo dhaawac ayaa lagu waramay inuu ka dhashay weerarkan.

MUQSISHO, Soomaaliya — Kooxda Al-Shabaab ayaa saaka weerar ku qaaday degmada Balcad, sida ay sheegeen dad goobjoogayaal ah.

Maleeshiyada ayaa beegsaday saddex bar kontorool iyo xafiis amni oo ku yaalla magaalada.

Ilo wareedka ayaa xusay in dableyda ay u muuqdaan inay dib uga gurteen magaalada kadib duulaanka.

Wararka qaar ayaa tibaaxaya in meelaha la beegsaday ay kamid tahay xaruntii Hay’adda NISA ee degmada Balcad uuna soo gaarey burbur baaxad leh.

Al-Shabaab ayaa sheegtay in dagaalyahanadooda ay gudaha u galeen saldhigga iyo "inta badan" xaafadaha magaalada.

Balse ilo deegaanka ah ayaa hadda sheegaya in maleeshiyadii ay dib u gurteen isla markaana ay ka baxeen magaaladda.

GAROWE ONLINE