Kulan Loogu mahad-celinaayay Hay’adda Hormuud Salaam Foundation oo ka dhacay Muqdisho [Sawirro]
-
Garowe Online
- Posted On 20-06-2020, 06:00AM
Kulan gaar oo loogu mahadcelinaayay Hay'adda Hormuud Salaam Foundation gurmadkii ay ka sameysay fatahaadii wabiga Shabeelle uu ka geystay gobolka Shabeellaha Dhexe, ayaa lagu qabtey magaaladda Muqdisho.
kulanka waxaa goobjoog ahaa Gudoomiyaha Hay'adda Hormuud Salaam Foundion, Gudoomiyaha gudiga Gurmad Walaal, Agaasimaha guud ee wasaaradda Dastuurka.
Ugu horeen waxaa madashaasi ka hadlay Gudoomiyaha gudiga Gurmad Walaal Ciise Maxamed Cumar wuxuuna sheegay inay mahad balaaran u jeedinayaan hey’ada Hormuud Salaam Foundation oo si damqasho leh uga jawaabtay baaqyadii ug yimid dadka dhibaatadu saameysay.
Agaasimaha guud ee wasaaradda Dastuurka kana mid ahaa gudiga gurmadka Shabellaha Dhexe ee fatahaadaha Maxamed Abuukar Zubeer ayaa ka mahad celiyay garab istaagii Hay'adda Hormuud Salaam Foundation.
Gudoomiyaha Hay'adda Hormuud Salaam Foundation Cabdullaahi Nuur Cismaan oo ka hadlay sidii ay mas'uuliyad isga saareen u gurmashada dadkii uu saameeyay fatahaada wabiga Shabelle ee Gobolka Shabellaha Dhexe.
