Laftagareen oo UN-ka kala shiray xaalka Golaha Wadatashiga Qaranka

Kulanka golaha wadatashiga qaranka ayaa baaqdey bishii hore kadib is-faham la'aan dhanka ajendaha ah.

MUQDISHO, Soomaaliya - Madaxweynaha Koonfur Galbeed Cabdicasiis Xasan Maxamed Laftagareen ayaa Xarunta Madaxtooyada ku qaabilay Wakiilka Gaarka ah ee Qaramada Midoobay ee Arimaha Soomaaliya Catriona Laing 

Madaxtooyadda Koonfur Galbeed ayaa sheegtay in kulankan looga hadlay Arimaha Bini'adanimada, Amniga, Isbedelka Cimilada, Siyaasada Dalka Dhinacyada Qabsoomida Shirka Golaha Wadatashiga, Dhamaystirka Dastuurka iyo Arimaha Doorashooyinka Dalka.

"Kulanka Madaxweynaha waxaa ku Wehlinayey Wasiirka Waxbarashada iyo Agaasimaha Guud Madaxtooyada Koonfur Galbeed," ayaa lagu soo gabagabeeyay war-saxaafadeedka.

Kulanka golaha wadatashiga qaranka ayaa baaqdey bishii hore ka gadaal markii ay madaxda dowladda federaalka iyo maamulada isku-fahmi-waayeen qaabka laga yeelayo ajandaha gaar ahaan qadiyadda la xiriirta doorashooyinka dalka.

GAREWE ONLINE