Madaxweynaha Galmudug oo wadahadal ku baaqay
-
- Posted On 28-09-2015, 10:27AM
28 September, 2015(GO)-Madaxweynaha maamulka Galmudug Cabdikariim Xuseen Guuleed ayaa maamulka Ahlusunna ugu baaqay wadahadal ku saabsan khilaafka u dhaxeeya.
Guuleed ayaa hadalkan sheegay xilli uu soo gaaray magalada Cadaado isagoo ka soo laabtay Muqdishu oo uga qayb galay shirkii looga hadlay arrimaha Somalia oo dhawaan Xamar lagu soo gaba-gabeeyay.
Ururka Ahlu sunna Waljamaaca ayuu ugu baaqay inay ka qeyb qaataan wadahadal si loo dhameeyso khilaafka jira, isla markaana nabad iyo horumar loo horseedo deegaannada Galmudug.
Baaqa Guleed ayaa imaanaya xilli 8 qof ku dhinteen tiro intaasi ka badanna ku dhaawacmeen dagaal ka dhacay degmada Caabudwaaq bishii la soo dhaafay kaasi oo u dhaxeeyay labada maamul.
GAROWEONLINE
