Madaxweynaha Jubbaland oo tagay degmada Cadaado
-
- Posted On 06-01-2016, 09:31AM
06 January, 2016(GO)-Madaxweynaha maamulka Jubballand ayaa maanta gaaray magalada Cadaado xarunta KMG ah ee Galmudug, waxuuna kulamo la qaadan doonaa madaxweyne Cabdikariim Xuseen Guuleed.
Safarka uu ku tagay Cadaado ayaa lagu sheegay ka dhabaynta ballan qaad uu sameeyay xilli uu ku sugnaa magalada Galkacyo oo u joogay nabadaynta dagaal dhexmaray Puntland iyo Galmudug.
Mas'uuliyiinta maamulkaas ee kusugan Cadaado ayaa soo dhaweyn ballaaran u sameeyay, waxayna sheegeen inay ku faraxsanyihiin imaanshaha Madoobe.
Waa markii ugu horraysay oo Madaxweynaha Jubbaland uu tago degmadaas oo dhawaan lagu qaban doono caleemo saarka xukuumadda Galmudug, waxaana la filayaan inay ka qayb galaan madaxda Somalida.
GAROWEONLINE
