Madaxweynaha oo si diiran ku soo dhaweeyay ciidamada dib uga soo laabtay Ereteriya

Image

MUQDISHO, Soomaaliya - Madaxweynaha Jamhuuriyadda Federaalka Soomaaliya Xasan Sheekh Maxamuud ayaa gaaray Xarunta Ciidamada Cirka ee Xoogga Dalka Soomaaliyeed, halkaas oo ay ka socoto dib u soo celinta Ciidamada tababarka ugu maqnaa dalka Ereteriya.

Madaxweynaha oo dul istaagay hannaanka dib u soo celinta ciidamada ayaa la dardaarmay cutubyo maanta dib u soo laabtay, waxa uuna la wadaagay rajada iyo hamiga shacabka Soomaaliyeed ay ku qabaan in ay ka qeyb-qaataan cirib-tirka ururka ‘AS’, isagoo ku bogaadiyey Taliska Ciidamada Xoogga Dalka sida ay u fulinayaan qorshaha qaran ee tayeynta iyo dib u habeynta Ciidamada Xoogga Dalka.

Ciidamada dib u soo laabtay ayaa ka kooban Dhulka, Cirka iyo Badda, waxayna isugu jiraan qaar sannado badan ku maqnaa Ereteriya iyo cutubyo sannadka 2023 bilowgiisa la diray kuwaas oo soo dhammeystirtay tababarkooda, si degdeg ahna loogu soo celiyey dalka, taas oo meesha ka saartay duruufo badan oo soo food saari jiray dhallinyarada u istaagay diifaca dalkooda, culeysna ku ahayd waalidkii ay ka tageen iyo qarankoodaba.

Dhankooda, Cutubyadan uu la kulmay Madaxweynuhu waxa ay muujiyeen farxaddooda ku aaddan in loo sii diyaariyey xarummihii ciidan ee ay lahaayeen.

GAROWE ONLINE

Related Articles

Soomaaliya: Diyaarado ka degay Kismaayo iyo Isku-daygii DFS ee xayiraadda oo fashilmay

Waxay tani muujinaysaa inuusan shaqeyn isku-daygii maamulka Xasan Sheekh ee diyaaradaha looga joojiyay Kismaayo.

  • Soomaliya

    19-01-2025

  • 01:27PM

Soomaaliya: Wasiirka Gargaarka Puntland oo Beenisay hadal kasoo yeeray SoDMA

Waxay sidoo kale tilmaantay in Puntland ay wajaheyso caqabado adag oo bani’aadamnimo, kuwaas oo ka dhashay abaaro daba dheeraaday.

  • Soomaliya

    19-01-2025

  • 11:17AM