Madaxweynaha Somalia oo tagaya Jowhar
-
- Posted On 12-01-2016, 07:58AM
12 January, 2016(GO)-Madaxweynaha Somalia iyo wafdi uu hogaaminayo ayaa maanta lagu wadaa inay tagaan magalada Jowhar xarunta gobolka Shabeelaha dhexe halkaas oo kasocota qaban qaabada shirka maamul u samaynta Shabeelaha dhexe iyo Hiiran.
Ujeedka socdaalka Xasan Sheekh iyo wafdigiisa ayaa lagu sheegay furitaanka madasha wadatashiga shirka maamul usamaynta labadaasi gobolka kaaso maanta furmaya Jowhar.
Socdaalka waxaa madaxweynaha Somalia kuweheliya Wasiirro iyo Xildhibaano kasoo jeeda labada gobol ee maamulka loo dhisayo, waxayna qayb kayihiin wufuud todobaadkan kusoo qulqulaysay magalada Jowhar.
Waxaa isla maanta lafilayaa inay tagaan mas'uuliyiin kale oo ka imaanaya maamullada dalka kuwaas oo marag kanoqonaya furitaanka shirkaas.
Dhanka kale Ergooyin kasocda gobolka Hiiraan ayaa kuwajahan degmada shirka martigalinaysa.
Ammaanka ayaa aad loo adkeeyay, waxaana waddooyinka dhooban ciidamo katirsan kuwa dowladda Somalia.
GAROWEONLINE
