Hogaamiyaha “SSC-Khatamo” oo reer Sool kala hadlay midnimada Soomaaliyeed

Image
Image
Image
Image
Image
SAWIR HORE

LAASCAANO, Soomaaliya - Hogaamiyaha SSC Khaatumo Cabdiqaadir Axmed Aw-cali Firdhiye oo taageerayaashiisa kula hadlay duleedka magaalada Laascaanood ayaa ka warbixiyay guushii ay maanta ka gaareen dagaalkii Goojacade.

Hogaamiyaha ayaa ugu hambalyeeyay shacabka ku dhaqan gobolka Sool guulaha la gaaray, isagoo sidoo kale ku ammaanay doorkii ay ka qaateen iyo garab istaagii ay muuujiyeen tan iyo markii uu curtay Kacaanka Buluugga ah.

Cabdiqaadir Axmed Aw-cali Firdhiyeayaa ku nuux-nuuxsaday muhiimadda ay leedahay in la ilaaliyo midnimada qaranka, isagoo carabka ku adkeeyay in waxa maanta lagu guuleystay ay tahay midnimada Soomaaliyeed.

Firdhiyeayaa ayaa sidoo kale uga mahadceliyey dowladda federaalka Soomaaliya iyo hay’adaha caalamiga ah sida ay u cambaareeyeen weerarkii waxashnimada ahaa ee ay Somaliland ku xasuuqday dad rayid ah oo aan waxba galabsan.

Sidoo kale waxa uu ugu baaqay dowladda Soomaaliya in ay gacan siiso shacabka reer Sool oo ay u fidiso adeegyada dowladda.

GAROWE ONLINE

Related Articles

Mareykanka oo $10 Milyan ku raadinaya ninkii ka dambeeyay weerarkii Manda Bay

Cabdullaahi Banati ayaa lagu eedeeyaa inuu qeyb ka ahaa qorsheynta iyo fulinta weerarkii 5tii Janaayo 2020 ee lagu qaaday Manda Bay Airfield.

  • Soomaliya

    08-05-2025

  • 12:37PM

Shirka Golaha Wadatashiga Qaranka oo sii daba-dheereeyay Khilaafka Siyaadeed

Ajendaha shirka waxaa ka mid ahaa taageeridda Ciidanka Xoogga Dalka Soomaaliyeed (CXDS) ee dagaalka ka dhanka ah kooxda Al-Shabaab.

  • Soomaliya

    08-05-2025

  • 09:11AM