Mashaariic ay UK ugu talagashay HirShabelle oo laga shiray
-
WARIYAHA MUQDISHO GAROWE ONLINE
- Posted On 24-11-2021, 05:16AM
JOWHAR, HirShabelle - Madaxweynaha Dowladda Hirshabeelle, Cali Guudlaawe Xuseen ayaa maanta kulan la qaatay Safiirka Dowladda Ingiriiska ee Soomaaliya gaar ahaan Muqdisho Amb Kate Foster.
Madaxweynaha iyo Danjire Foster ayaa ka wada hadlay mashaariicda Dowlada Ingiriiska ugu tala gashay deegaanada Hirshabeelle gaar ahaan dhismaha xarumaha madaxtooyada, baarlamaanka iyo airportyada.
"Waxaan [shalay] kulan la qaatay Safiirka Dowladda Ingiriiska ee Soomaaliya Danjire Kate Foster," ayaa lagu daabacay ciwaanka Facebook-ga ee Madaxtooyadda HirShabelle.
Qoraalka ayaa la raaciyey: "Waxaan kala hadlay mashaariicda Dowlada Ingiriiska ugu tala gashay deegaanada Hirshabeelle gaar ahaan dardar galinta dhismayaasha xarumaha madaxtooyada, baarlamaanka iyo airportyo".
"Sidoo kale waxaan kuwada hadalnay muhiimada ay leedahay hirgalinta dhismaha golaha deegaanka ee degmooyinka oo waxtar badan u leh bulshadeena," ayuu xusay.
Madaxtooyadda HirShabelle ayaa raacisay: "Sidoo kale waxaa kulanka looga hadlay muhiimada ay leedahay hirgalinta golaha deegaanka ee degmooyinka oo waxtar badan u leh bulshada".
GAROWE ONLINE
