Maxaa laga filaa safarka Ra’iisul Wasaaraha ee Kismaayo?

Image

KISMAAYO, Soomaaliya - Ra’iisul Wasaaraha Xukuumadda Jamhuuriyadda Federaalka Soomaaliya Xamse Cabdi Barre iyo wafdi uu hoggaaminayo, ayaa maanta soo gaaray magaalada Kismaayo.

Wafdiga Ra’iisul Wasaaraha ayaa waxaa halkaas si diirran ugu soo dhaweeyay Madaxweynaha Jubbaland Axmed Maxamed Islaam, Madaxwene ku-xigeennada, Guddoomiyaha Golaha Wakiillada iyo qeybaha kala duwan ee bulshada Jubbaland.

Socdaalka Ra’iisul Wasaaraha ee Jubbaland ayaa la xiriira u kuurgelidda xaaladaha binuaaddantinimo ee ka dhalatay daadadka El-nino oo saameyn xooggan ku yeeshay deegaannadan.

Waxa ay sidoo kale ka hadli doonaan dardar-gelinta howl-galka wajiga 2aad ee la dagaalanka ‘AS’, xarig jarka iyo dhagax-dhigga mashaariic horumarineed iyo xoojinta wada-shaqeynta hey’adaha Federaal iyo kuwa Dowlad-goboleedka Jubbaland.

Ra’iisul Wasaare Xamsa Cabdi Barre, ayaa sidoo kale uga mahadceliyey Dowlad-goboleedka Jubbaland iyo qeybaha kala duwan ee bulshada soo dhaweynta diirran ee lagu qaabilay.

GAROWE ONLINE

 

Related Articles

Duqeymo Xooggan oo Ka Dhacay Xuduuda Galgadud iyo Shabeellaha Dhexe

Toddobaadyadii ugu dambeeyay, Taliska Afrika ee Mareykanka ayaa shaaciyay falal duqeyn ah oo ka dhacay meelo kale oo dalka ah.

  • Soomaliya

    30-08-2025

  • 02:35PM

Xasan Sheekh oo Hambalyo U Diray Madaxda Cusub ee Maamulka Loo Dhaawaaqay Laascaanood

Ugu dambeyn, Madaxweynaha ayaa ugu baaqay shacabka iyo hoggaanka cusub ee Laascaanood inay xoojiyaan midnimada iyo wadajirka.

  • Soomaliya

    30-08-2025

  • 02:10PM