Nabadoon kamid ahaa Ergadii Doorashada oo lagu dilay Muqdisho

MUQDISHO, Sooamaaliya - Dabely hubeysan ayaa xalay nabadoon kamid ahaa Ergadii doorashada ku dishay magaalada Muqdisho, ee caasimadda Soomaaliya, xilli amniga si aad ah loo adkeeyay oo meel akasta Ciidamo lagu daadiyay.

Odayaga la dilay oo magaciisa lagu sheegay Ibraahim Cali Xasan ayaa waxaa lagu toogtey meel u dhaw Gurigiisa oo ku yaalla degmada Dharkeenley, oo kamid ah goobaha lagu ugaarsado Odayaasha dhaqankaa ee ka qeyb-qaatey Doorashadii Baarlamaanka.

Marxuum Ibraahim oo kamid ahaa Ergadii soo dooaratay Xildhibaanada Gollaha Shacabka ee Baarlamaanka Federaalka Soomaaliya ayaa meydkiisa laga qaadey goobta lagu dilay, kadib markii ay baxsadeen dableydii dilkiisa ka dambeysay.

Dilka Odaygan oo ay fuliyeen labo dhalinyaro ah oo bastoolado ku hubeysan ayaa waxaa mas'uuliyadiisu sheegtay Kooxda Al-Shabaab, oo dagaal kula jirta dowladda Federaalka iyo Ciidamada AMISOM.

GAROWE ONLINE