Qarax ka dhacay Afgooye oo dilay 4 qof
-
- Posted On 13-04-2016, 09:41PM
AFGOOYE- Weerar bambaano oo maanta ka dhacay degmada Afgooye ayaa sababay dhimashada afar qof uu ku jiro askari canshuur qaadayay iyadoo falkaasi lagu dhaawacay saddex kale.
Majirto cid sheegatay, balse qaraxan ayaa ka dhacay suuq xoolaha lagu iibiyo halkaasi oo ku sugnaayeen ciidamo dowladda katirsan oo canshuur qaadayay, waxaana waxyeello xooggan soo gaartay xoolihii suuqaasi ku jiray.
Goob jooge ku sugan Afgooye ayaa GO u sheegay in bambaanada la tuuray xilli ciidamadu ku mashquulsanaayeen canshuur qaadis.
Shakhsiyaadkii falkaasi gaystay ayaa goobta ka fakaday, waxaana suuqa la weeraray soo gaaray ciidamada katirsa dowladda oo bilaabay baaritaan xooggan.
Majirto wax war ah oo dhinac dowladda kasoo baxay kaasi oo ku aadan falalkan kusoo badanaya Afgooye.
Maaha markii ugu horaysay weerar bambaano lagu qaado ciidamo dowladda ee canshuurta qaada, waxaana weerar caynkan ah oo dhacay 12-kii bishii March lagu dilay 8 ruux.
GAROWEONLINE
