Ruto oo ugu baaqay Mareykanka inuu farageliyo xaalad ka jirta Soomaaliya

Isaga oo ka garab-hadlaya Joe Biden, madaxweynaha Kenya ayaa walaac ka muujiyay bixitaanka ciidamadda ATMIS.

WASHINGTON, USA - Madaxweynaha Kenya, William Ruto, ayaa qeylo dhaan ka soo saaray kor u kaca argagixisanimo ee ka dhalan karta bixitaanka ciidamada Midowga Afrika ee Somalia (ATMIS).

Intii lagu guda jiray booqashadiisa qaran ee Mareykanka, Ruto wuxuu u gacan-haatiyey  faragelinta Mareykanka si looga hortago khalkhal amni oo ka dhaca gobolka.

Isagoo hadlayay Talaadadii, Ruto wuxuu xusay in dhimista ciidamada ATMIS, oo la qorsheeyay si waafaqsan waqti go'an oo aan ahayn xaaladaha dhabta ah ee amniga, ay horseedi karto dib u soo kabashada falalka argagixisada ee Soomaaliya.

Waxa uu ku nuux-nuux saday in isaga iyo Madaxweynaha Soomaaliya Xasan Sheekh Maxamuud ay aad uga walaacsan yihiin habacsanaanta amni ee soo fool leh.

Ka bixitaanka ayaa muran ka dhashay 5-tii May markii dowladda Soomaaliya si lama filaan ah uga codsatay Qaramada Midoobay in la dadajiyo gabagabada howlgalka nabad ilaalinta, inkastoo ay horay u dalbatay muddo kororsi.

Sikastaba ha ahaatee, alaabadan ayaa beesha caalamka ka dhigtay mid aan waxba ka jirin maadaama ay horey ugu ololeeyeen in Soomaaliya ay sii joogaan ciidamadan ka tirsan howlgalka Midowga Afrika ee Soomaaliya.

GAROWE ONLINE