Saraakiil ka tirsan Al-Shabaab oo lagu diley weerarkii Mareykanka
-
- Posted On 10-03-2016, 12:13PM
MUQDISHU, Somalia- Labo sarkaal oo ka tirsan ururka Al- Shabaab ayaa lagu diley weerar dhowaan ciidamada Mareykanka u gaysteen xero ururka Al-Shabaab ku tababaraan dagaalyanadooda.
Saraakiisha weerarkaan lagu diley ayaa wasaarada Gashaandhiga Mareykanka sheegtey inuu kamid ahaa Yusuf Ali Ugaas oo kamid ahaa dadka wacyi galiya ciidamada al-Shabaab iyo Maxamad Mire.
Maxamad Mire ayaa ururka Al Shabaab u qabilsanaa gudoomiyaha gobolka Hiraan isagoo sidoo kale ka tirsanaa guddiga Maaliyada ee ururkaas.
Wasaarada Difaaca Mareykanka ayaa sheegtey in weerarkaan ay gaysteen diyaardaha Dron-ka iyo qumaatiga u kaca kuwasoo bartilmaameedsadey xero ururka Al Shabaab ku lahaayeen halka loo yaqaano Raso ee ka tirsan gobolka Hiraan.
Ururka A-Shabaab ayaan beenin dilka loo gaystey saraakiishaan halka ay wax kama jiraan ka dhigeen tirada ciidamada ee lagaga diley weerarkaan.
Mareykanka ayaa sheegey in 150 ka tirsan ciidamada Al-Shabaab ku dileen xeradaas kuwasoo xuseen iney isu diyaarinayeen weeraro lagu qaado AMISOM.
GAROWEONLINE
